Xardíns históricos do Pazo Quiñones de León
Patrimonio cultural
Comezamos a visita na porta principal do recinto do Museo de Castrelos, facendo unha contextualización histórica do pazo, o seu significado social e económico e os seus elementos formais característicos.
Farase unha explicación da orixe do xardín histórico e das distintas zonas que o compoñen, que comezan na propia fachada, nada máis traspasar a cerca.
Imos realizar un itinerario que percorrerá cada unha dos distintos espazos, con características moi marcadas que representan diferentes estilos: xardín de acceso, xardín francés, xardín inglés, rosaleda e bosquete.
Escolleremos algunhas especies significativas e cercanas para os escolares, que nos servirán para ir guiando a visita, poñendo sempre exemplos das diferentes especies de árbores e arbustos.
Tamén fixaremos a atención nos elementos artísticos: as esculturas, fontes, restos arquitectónicos e brasóns que compoñen o xardín e contribúen a contextualizar cronoloxicamente o lugar.
- Aqui podes ver a historia do pazo e os seus xardíns
- Aqui podes ver un video con fotografías dos xardíns
Obxetivos xerais
Achegarse ao importante xardín histórico situado ao redor do Pazo-Museo Quiñones de León, clave para comprender a realidade social na que se enmarcaba.
Realizar un itinerario para coñecer as principais zonas do xardín histórico do Pazo, que se corresponden con correntes paisaxísticas internacionais.
Obxetivos específicos
Aprender características básicas de cada zona do xardín histórico e sobre os estilos e técnicas de xardinaría utilizados.
Proporcionar coñecementos sobre o noso clima e as adaptacións das árbores e plantas.
Identificar e diferenciar especies de árbores e arbustos.
Sensibilizar o alumnado coa importancia histórica e natural do xardín do Pazo Quiñones de León.
Proporcionar pautas de comportamento respectuoso nos xardíns e o gusto polo coidado de plantas e árbores.
Constatar como chegaban á cidade as modas do estranxeiro en disciplinas como a xardinaría, e coñecer cales eran os países emisores e os transmisores.
