O blog

---

---

Imos ao Xardín Arboretum

---

O pasado 20 e 26 de abril os nenos de 4 anos da Escola Rosalía de Castro acompañados dos nosos profesores Javier e Isabel, fixemos unha visita á Fundación Sales un xardín botánico no que descubrimos unha chea de plantas e árbores distintas, algúns de lugares moi afastados pero que na nosa cidade, Vigo, crecen e florecen como no seu lugar de orixe grazas aos coidados dos xardineiros de Sales e ao clima suave da nosa cidade.

Paseamos entre as flores de tempada coas súas vistosas cores (violas, tajetes, alegrías). Descubrimos os agradables cheiros das árbores froiteiras, da glicinia, das aromáticas como o tomiño e a lavanda…

Observamos a vida que se esconde no bosquete, aventurámonos entre o bambú, tocamos plantas e árbores de distintas texturas: como rasca o tronco do carballo, que suave é a orella de lebre.

Nos seus preciosos estanques escoitamos o son das ras e descubrimos as estratexias dalgunhas plantas para adaptarse aos lugares: os flotadores do xacinto de auga, a colonia que forma a lentella de auga…

Finalizamos a visita no invernadoiro, ese lugar onde as plantas “non pasan frio” coa temperatura e a humidade que necesitan.

Despois de ver ás carnívoras que tanto nos gustan, plantamos unha hortaliza: o allo, que levamos para casa unha vez aprendidos os coidados que necesitan: a luz do sol a auga e o noso agarimo.

Na aula ,cos nosos profesores elaboramos cada un o noso libro de visita coas fotos que fixeron os profes e os debuxos que fixemos nós.

• Traballo de Antía sobre a visita á Fundación Sales
• Traballo de Leire sobre a visita á Fundación Sales

¡¡ UN DIA ESTUPENDO !!

María Heras. Monitora de vigopordentro

Compartir

---

---

1.06.10 | Publicado por Jordi Castro | Opina

Opina

Nome

---

correo-e

---

Web

---

comentario
Axuda co Textile

---

---

---