O blog

---

---

Galiciencia 2010

---

Un sistema de climatización mediante fiestras con cámara de auga, deseñado polas alumnas do colexio Gillelme Brown de Ourense Ana Esteban e Uxía Fernández, gañou o primeiro premio de Galiciencia 2010, a feira científica organizada polo Parque Tecnolóxico de Galicia.

O proxecto impúxose na categoría de segundo ciclo de Educación Secundaria Obrigatoria (ESO) e tamén foi seleccionado como o mellor traballo global do certame, ao lograr maior puntuación que os outros dous gañadores, do primeiro ciclo de ESO e de Bacharelato.

Paloma Bravo Bueno e Belén Martín de Vicente, do colexio As Acacias de Vigo, gañaron o premio do primeiro ciclo da ESO. Nuria Sánchez Mosteiro e Andrea García Sagastibeltza, da Anunciata Ikastetxea, de Guipúzcoa, impuxéronse na categoría de Bacharelato.

O director xeral de I D i da Consellería de Economía e Industria, Ricardo Capela, e o delegado territorial da Xunta, Rogelio Martínez, entregaron a cada un dos integrantes dos tres equipos gañadores un miniordenador portátil. Os gañadores absolutos terán a maiores unha viaxe pagada a unha feira científica de ámbito estatal.

O obxectivo do proxecto gañador, presentado por Ana Esteban Baloira e Uxía Fernández Bustillo, é atopar un método mediante o cal póidase controlar a temperatura das estancias dunha vivenda, usando auga nas fiestras. Para iso utilízanse fiestras con dobre cristal, a modo de recipiente, no que se introduce auga. Dependendo da temperatura exterior, do grao de insolación e da cor da tinta que se empregue no circuíto, pódese modificar o confort da habitación.

O proxecto gañador correspondente á categoría de primeiro ciclo da ESO, de Paloma Bravo e Belén Martín de Vicente, consiste na realización de medidas de resistividad dun material, a mina do lapis, formada por unha mestura de grafito con outras sustancias.

O traballo do equipo gañador de Bacharelato consiste nunha análise física, químico e microbiológico da auga do río Zubitxo e da calidade da paisaxe da súa contorna. Mediante este proxecto, os autores demostraron que a recuperación ambiental non é unha utopía, senón que pode ser unha realidade, grazas ao esforzo e a colaboración dos cidadáns co Concello de Lezo.

Ana Esteban, con 14 anos de idade, explicaba ao finalizar o acto que, co seu proxecto, intentan “controlar a temperatura dunha estancia, introducindo auga de diferentes cores, en fiestras de dobre cristal, e dependendo das calidades de cada cor, pasa máis cantidade ou menos cantidade de calor ao interior”. Os usuarios deste sistema poden beneficiarse da colorterapia para superar “situacións anímicas baixas ou depresións”, con determinadas tonalidades. O titor, Carlos Pérez, explica que se trata dun “traballo moi divertido, ao engadirlle colorantes ao auga, co que conseguiron nas súas habitacións un efecto de colorterapia, que inflúe sobre o seu estado de ánimo”.

• Fonte da información da nova: FARO DE VIGO
• Podes ler máis información de Galiciencia premendo aqui

Compartir

---

---

20.12.10 | Publicado por Jordi Castro | Opina

Opina

Nome

---

correo-e

---

Web

---

comentario
Axuda co Textile

---

---

---