O blog

---

---

Alumnos de 7 centros escolares de Vigo cultivan hortas ecolóxicas

---

É unha iniciativa da concellería de Educación, que dirixe Laura López Atrio, e que leva a cabo a consultora Trillium. O Colexio O Sello (Cabral) leva dous anos con este programa denominado “Horta Ecolóxica na Escola”, que se implantou por primeira vez en Vigo fai xa cinco anos para alumnos de Primaria, e é actualmente o centro que ten a horta de maior tamaño, con invernadoiro incluído.

Tamén teñen hortos ecolóxicos nos colexios Escultor Acuña, Castelao, Mestres Goldar, Sobreira (Valadares), Eduardo Pondal e García Barbón, pero hai máis que mostraron interese por este programa e que de momento quedaron fóra.

Un dos requisitos é que teñan un terreo libre duns 80 metros cadrados. Un día á semana acode a monitora, Teresa González, aos centros, onde é recibida cos brazos abertos polos escolares porque, aínda que tamén reciben clases teóricas sobre as plantas, encántalles o contacto coa terra e traballar no horto.

Ao principio de curso, os alumnos baixan ao terreo acompañados da monitora e un profesor, e deciden onde colocarán os bancales e o deseño dos camiños. Tomada esta decisión, acoden profesionais para fresar o terreo e logo o protagonismo volve aos escolares, que fertilizan o terreo co compost (fano eles dun ano para outro con restos orgánicos que traen de casa) e válense dos utensilios propios destes cultivos.

Como se trata dun horto ecolóxico, cando necesitan un insecticida utilizan puding de ortiga elaborado por eles mesmos. Ao final, chega a colleita e os alumnos levan a casa unha mostra do recolleito.

“O traballo distribúese en grupos.
Todos queren facelo todo, pero é curioso como as nenas tenden máis ás tarefas máis minuciosas e aos nenos gústalles máis cavar e transportar terra na carretilla”, explica a monitora do programa.

FONTE: ECONOTICIAS

Compartir

---

---

3.06.10 | Publicado por Jordi Castro | Opina

Opina

Nome

---

correo-e

---

Web

---

comentario
Axuda co Textile

---

---

---